Kā Mahi a te Rakai Maninirau
He maha kā huarahi ki te whāia tō hiahia maninirau hai huarahi mahi!
Kai raro nei e 14 kā wāhi o te mahi maninirau rikarehe
me ētahi kiriata o kā rakatira ahumahi o Aotearoa.
Ka Ara Takahaka
TE WHAKAMAHI ME TE WHAKAMAHI
He maha kā ‘mea’ e tika ana kia whakaritea kia puta he whakaaturaka maninirau: Ko te whakamahere haereka, kā mahi whakahaere, te whakahaere pūtea, te whakaoti rapaka me te whakawhitiwhiti kōrero ki kā momo wāhi me kā kaihaka. Auē! He maha kā kaihaka maninirau i te mutuka ka eke ki tēnei mahi nā ruka i te hiahia, e pīraki ana rānei ki te haere i tētahi whakaaturaka nui. Ahakoa he maha kā kaihaka e mahi ana i a rātau anō ka taea te mahi i kā wā katoa, mā ēnei pūkeka ka taea e te umaka maninirau te kawe ki kā wāhi katoa. Anei ētahi whakaaro nā Imogen Stone i ‘Colossal Productions’.
WHAKAPUTAKA HUI TAURIMA
Ko ētahi kaihaka maninirau e mōhio ana ki te whakahaere i te ao pukumahi o kā hui taurima ka noho hai kaiwhakahaere whakaputa o ēnei. He wāhaka nui rātau mō te whakahuihui i kā hui taurima he kopa hono e mau ai tō tātau hapori
WHAKAHEKE
Ko te noho hai kaikawe mahi maninirau me whai pūkeka motuhake, nā te mea tokomaha kaihaka maninirau kua kaiwhakaheke haere i ā rātau mahi. Mēnā kai te pīraki mōhio koe he aha he kaiwhakaheke, tirohia tō mātau whāraki haumaru hai whakamārama ake i te mahi me te hono atu ki etahi atu kaiwhakaheke maninirau huri noa i te motu.
Kā Ara Mahi
MANINIRAU RAKATŌPŪ
Ko kā mahi a te kamupene ka uru mai ki kā keri kua utua e tētahi rōpū motuhake mō kā kaihaka maninirau, ka mahia ēnei ki kā huihuika, hākari, ērā atu. Ko Eve Gordon mai i te Dust Palace e kōrero ana i tētahi rā i te oraka o tētahi kaimaninirau rakatōpū.
MANINIRAU TUANUI NUI
He maha kā kaihaka ka kitea he mahi i roto i kā mahi tino nui ka haere ki kā papa whakaaturaka a te iwi, ka whakatū i te teneti nui hai whakaatuhia ki kā hapori katoa. He maha kā mahi a ia takata hai whakatutuki. Ahakoa he wāhaka nui tēnei o te whakapapa maninirau i Aotearoa, i tēnei wā e tohe ana kia ora whaimuri kōwheori.
MANINIRAU WHARE WHAKAARI
Kua timata kā whare whakaari tuku iho ki te whakauru maninirau ki a rātau mahi. Mai i te toi ahi i te whakaaturaka kirihimete tae noa ki a Peter Pan e rere ana, he maha kā wāhi kāre e taea e tētahi te whakapae.
MANINIRAU HAEREKA
Ka haere he kaihaka huri noa i tētahi huihuika e pāhekoheko ana me kā tākata kai reira. Ka tū pea ia ki kā huihuika pēnei i kā kuruteteka, hākari, whare hokokai, pokapū hapori, pāti, huihuika hākinakina ērā atu.
MANINIRAU ARA KAIWAEWAE
He putuputu ka tū e kā kaihaka ara kaiwaewae i waekanui o kā tāone ki te ‘pitch’, he wāhi mō kā kaihaka. Me kukume rātau i te mātoru, kia mau tou ki te mahi me te tūmanako ka whiwhi i tētahi pūtea pai e tukuna ana e te mātoru. Anei a Kozo Komatsubara e mahi ana i tana tūmatarau i kā tiriti o Poihakena, Te Whenua Moemoeā.
Kā Ara Mātauraka
MANINIRAU I TE AKOMAKA
Ka taea e kā kaiako o te kura te kimi maninirau he taputapu whai hua mō kā ahuataka maha. Ka kōrero mai a Michael Armstrong me pēwhea tana whakamahi maninirau hai awhina i te whakahaere akomaka.
KĀ KURA MANINIRAU
Kā kura maninirau puta noa i te motu, mai i kā wāhi hapori iti tae atu ki kā whakahaere nunui kua mau kā wāhi whakakuku. I ēnei wāhi ka kitea pea he kaiako mō kā tamariki me kā akomaka pakeke. Anei he kōrero mai i a Julia Bromley, he kaiwhakaako maninirau i Te Whakanui A Tara.
KĀ TAUPUNI MAHI TOI TOKO ME RERERAKI
He maha kā wā e kitea ai kā marau rereraki i roto i kā whare taupuni motuhake huri noa i te motu. Tirohia tō mātau mahere maninirau ki te kimi i tētahi taupuni e tata ana ki a koe.
MĀTAURAKA HAPORI MANINIRAU
He maha kā mahi a kā kaimaninirau huri noa i te motu ki te whakamahia te mahi maninirau hai huarahi ki te whakakotahi i te hapori, ki te whakapakari i te māia, ki te kahau hai tipu. Ko ētahi tauira o ēnei mahi, ko kā kaitakawaeka maninirau hapori, kaimahi rakatahi me kā kaiwhakaako hiahia motuhake. Ko Ayden Jacobs tēnei, kua roa nei e mahi ana in i tēnei wāhi
WHAKAAKORAKA MANINIRAU
He maha kā wā ka kawea mai te whakaakoraka maninirau ki ētahi atu wāhi, pēnei i kā kura, huihuika, ērā atu. Ko kā awheawhe māmā he huihuika māori, he tino kahau ki te kawea mai ki he wāhi. Kā tukuna mai ēnei mai i kā kamupene maninirau me kā kura.
KĀ WHAKAAKORAKA IPURAKI
I tō tātau whenua iti he uaua ki te kimi kaiwhakakuku i roto i kā pūkenga whāiti, taumata teitei, tino motuhake rānei, ekari huri noa i te ao he maha kā kaiwhakakuku e tuku akoraka ipuraki. Ka uru atu ēnei ki kā kōrerorero ataata, kā kohika o kā ataata ipuraki me kā rauemi mātātuhi hoki. Anei tētahi tauira o kā whakaakoraka ipuraki ka whiwhi a Nic Davies mai i a Rosita Hendry ina kai waho ia o te whenua.